Ўзбекистон–Туркия маданият ва санъат учрашувлари
Ўзбекистон–Туркия маданият ва санъат учрашувлари
Ўзбекистон Республикаси мустақиллигининг 35 йиллиги муносабати билан Тошкент шаҳрида «Ўзбекистон–Туркия маданият ва санъат учрашувлари - Турк кино кунлари» маданий тадбирлари бошланди.
Ўзбекистон ва Туркия ўртасидаги маданий-гуманитар алоқалар изчил ривожланиб, икки мамлакат халқларининг муштарак тарихий ва маданий қадриятларига асосланган ҳолда тобора кенгайиб бормоқда. Ўзбекистон Республикаси Ҳукумати ва Туркия Республикаси Ҳукумати ўртасида 2018 йил 30 апрелда имзоланган «Маданият соҳасидаги ҳамкорлик тўғрисида Битим» икки томонлама маданият ва санъат соҳасидаги ҳамкорликнинг ҳуқуқий асосини ташкил этади.
Мазкур ҳуқуқий асос доирасида маданият ва санъат соҳасида тажриба алмашиш, ижодий жамоалар ва санъаткорлар ўртасида алоқаларни ривожлантириш, маданий тадбирлар ташкил этиш, кино, театр, мусиқа, адабиёт ва бошқа йўналишларда қўшма лойиҳаларни амалга ошириш бўйича ҳамкорлик изчил давом эттирилмоқда.
