“Кулолчиликда илк қадам”
“Кулолчиликда илк қадам”
Мамлакатимизда ҳунармандчиликка очилган кенг йўл ёш истеъдодларни янги изланишлар сари илҳомлантирмоқда. Бу Наманган ўлкашунослик музейида ҳунармандларнинг “Кулолчиликда илк қадам” кўргазмасида ҳам ўз ифодасини топди. Кўргазмасининг тақдимот маросимида ҳунармандлар уюшмаси вакиллари, таниқли кулоллар, олимлар ва ёшлар иштирок этди.
Риштон кулолчилигида нақшинкор майда гуллардан кенг фойдаланилса, Ғурумсарой кулолчилик мактаби намуналарида йирик нақш орнаментларига урғу берилади. Устозларидан ўрганиб, бугун мустақил равишда иш бошлаган кулолларнинг нафис дид билан ишланган кўзалари, буюмларидаги ранглар жилоси ўзгача. Безакларда миллий анъаналар, қадриятларимиз акс этган. Ахсикент кулолчилигидаги қадимий услуб сақланиб қолган. Буларнинг барчаси кўргазмага ташриф буюрувчиларда катта қизиқиш уйғотмоқда.
