Қалимий сопол асрининг давомчилари

Қалимий сопол асрининг давомчилари

Ўзбекистонда кулолчилик қадимдан ўзининг бой  тарихига эга. VIII аср охири – IХ аср бошида Мовароуннаҳр шаҳарларида сирланган кулоллик кенг тарқалган. IХ-ХVIII асрларда ушбу услуб бадиий камолликка ва юқори технологик сифатга эга бўлган.

Буюмлар маҳаллий лойдан кулол чархида қолипга солинган, мустаҳкам бўлиши учун лойга қамиш пахмоқлари — тузгак аралаштирилган. Кейин қуритилган сопол маҳсулотлар оловга чидамли оқ лой — гил билан қопланган. Қуёшда қуритилган буюмлар суюқ қизил лой – қизил-кесак суви билан ювилган. Бу идишларга қизғиш рангини берган. Улар анъанавий шакллари ва мазмуни, ижодий жараёнлар ҳамда ўзига хос услуби билан алоҳида ажралиб туради.

Қуритилган буюм юзасига чўп билан нақш чизилган. Бу харош чўп деб аталган. Шундан сўнг, буюмлар мўйқалам билан бўялган, сирланган ва пиширилган.

- Ўтмишда тупроқдан қўл кучи билан шундай нафис санъат асарлари, ноёб буюмлар яратилганига қойил қолмай илож йўқ, -дейди Инсон цивилизацияси маркази  дирекциясига ўзларининг ноёб кулол асарларини  тақдим этган бухоролик ҳунарманд Дилонза Каримова. У турмуш ўртоғи Абдукарим Каримов билан бирга ватандошларимизга ҳамда  мамлакатимизга ташриф буюрган сайёҳлар учун ушбу ноёб совғалар тайёрлашади.

Дилонза Каримованинг ҳикоя қилишича, улар бу кулолчилик совғалари учун вилоятларида қазилишлар натижасида топилган турли тарихий буюмлардан фойдаланишади.