“Диний бағрикенглик” кўкрак нишонлари топширилди

“Диний бағрикенглик” кўкрак нишонлари  топширилди

     Мамлакатимиз бўйлаб бўлиб ўтган “Бағрикенглик ҳафталиги” жамиятимиздаги тинчлик, дўстлик, ҳамжиҳатлик муҳитининг яна бир амалий ифодаси бўлди. Ҳафталикда маърифий соҳадаги ислоҳотлар тарғиб этилди.

     Фуқароларнинг эътиқод эркинлигини таъминлаш, динлараро ҳамжиҳатликни мустаҳкамлаш ва маънавий муҳит барқарорлигини сақлашдаги ибратли ишлари учун пойтахтимизда етук уламолар, атоқли арбоблар Ўзбекистон Республикаси Вазирлар Маҳкамасининг қарори бўйича таъсис этилган “Диний бағрикенглик” кўкрак нишони билан тақдирланди.

     Тантанали тадбирда юртимизда фуқароларнинг виждон эркинлиги, дин ва миллатлараро тотувлик таъминланаётгани, мазкур кўкрак нишонининг таъсис этилгани миллатлар ва диний конфессиялар ўртасидаги аҳилликни таъминлаш, тинчликни кўз қорачиғидек асраш йўлидаги юксак эътиборнинг яққол намунаси экани таъкидланди.