Давлат ташкилотларида хавфсиз ва ҳурматга асосланган иш муҳити

Давлат ташкилотларида хавфсиз ва ҳурматга асосланган иш муҳити

Президентимизнинг "Меҳнат соҳасида хавфсиз ва ҳурматга асосланган иш муҳитини таъминлаш чора-тадбирлари тўғрисида"ги қарори мазмун-моҳияти ва унинг ижросини самарали ташкил этиш бўйича инсон ресурсларини ривожлантириш ва бошқариш бўлинмалари (HR) ходимларига мўлжалланган вебинар ўтказилди.

Унда Президент Администрацияси, Бошқарув самарадорлиги агентлиги, экспертлар, шунингдек, ҳокимликлар, давлат органлари ва ташкилотлари, уларнинг тизим ташкилотлари инсон ресурсларини ривожлантириш ва бошқариш бўлинмалари ходимлари иштирок этди.

Тадбирдан кўзланган асосий мақсад – қарорда белгиланган вазифаларнинг мазмун-моҳиятини тушунтириш, давлат органлари ва ташкилотларида янги жорий этилаётган дастурни самарали татбиқ этиш бўйича ягона ёндашувларни шакллантириш ҳамда масъул ходимларнинг амалий билим ва кўникмаларини ошириш.

Вебинар давомида экспертлар томонидан қарорнинг асосий йўналишлари, меҳнат муносабатларида хавфсизлик ва ўзаро ҳурмат тамойилларини мустаҳкамлаш, ходимларни тазйиқ ва зўравонликнинг турли кўринишларидан ҳимоя қилиш, бундай ҳолатларнинг олдини олиш ҳамда уларга нисбатан самарали чораларни кўришга қаратилган янги дастурнинг мазмуни ва имкониятлари юзасидан батафсил маълумот берилди.