“Китобхон Тошкент" лойиҳасининг иккинчи босқичи

“Китобхон Тошкент" лойиҳасининг иккинчи босқичи

"Китобхон Тошкент" лойиҳасининг иккинчи босқичи доирасида пойтахтимизнинг 4 та туманида "Китобхон Учтепа", "Китобхон Шайхонтоҳур" , "Китобхон Яккасарой" , "Китобхон Олмазор" каби китоб дўконлари очилиб, ўз иш фаолиятини бошлади.

Ташкил этилган китоб дўконларида китобхонлар учун алоҳида қулайликлар яратилди. Дўконда махсус жойлар ташкил этилган бўлиб, бу ерда ҳар бир киши бемалол ўтириб, ўзига манзур китобни мутолаа қилиши мумкин.

Келгусида дўконлар кўламини янада ошириш кўзда тутилган. Шунингдек, лойиҳанинг иккинчи босқичида пойтахтдаги 20 та умумтаълим мактабларига 1000 донадан китоблар ажратилди.