Имом Бухорий мажмуасига ташриф

Имом Бухорий мажмуасига ташриф

     Ислом олами таълим, фан ва маданият ташкилоти –  ICESCO раҳбари Салим ибн Муҳаммад Ал-Малик Президент Шавкат Мирзиёев ташаббуси билан янгидан қурилаётган Имом Бухорий мажмуасига  ташриф буюрди.

      Меҳмон мажмуа билан танишар экан, фаолияти ҳадис илми ва Имом Бухорийнинг меросини тадқиқ қилиш ва тарғиб қилишга қаратилган Шайх Носир аз-Заҳронийни Ўзбекистонга таклиф қилишни, мажмуа фаолияти бошлангандан сўнг биринчи жума намозини Макканинг бош имоми ўқиши  каби ташаббусларни илгари сурди.

      Шайх доктор Носир аз-Заҳроний (Dr. Sheikh Nasser Al-Zahrani) — Саудия Арабистонидан бўлган маъруф уламолардан бири бўлиб, у Ислом таълимоти, хусусан, ҳадис илми ва Имом Бухорий мероси бўйича фаолият юритади. Носир Заҳроний Имом Бухорий ва Имом Термизий каби буюк муҳаддисларнинг асарларини қадрлайди ва уларнинг меросини сақлашга катта аҳамият беради. Маълумотларга кўра, унинг ташаббуслари орасида Ислом тарихи ва илм-фанига бағишланган музейлар ташкил этиш ҳам бор, бу ерда Имом Бухорий ва шунингдек, бошқа муҳаддисларнинг асарлари намойиш этилади.

       Ташриф сўнгида ICESCO раҳбари Ислом цивилизацияси маркази раҳбари бошчилигидаги делегацияни июнь ойида Саудия Арабистонига таклиф қилди.