Туркиянинг Кириккале университети билан ҳамкорлик

Туркиянинг Кириккале университети билан ҳамкорлик

       Имом Бухорий халқаро илмий-тадқиқот марказига Туркиянинг Кириккале университети ва Фуат Сезгин номидаги Исломий илмлар тарихи тадқиқотлари вақфи қўшма делегацияси ташриф буюрди.

       Делегация ва марказ раҳбарияти ўртасидаги мулоқот давомида илм-фан ва диний маърифатни янада ривожлантириш, ислом цивилизацияси меросини ўрганиш ҳамда келажак авлод учун мустаҳкам маънавий-илмий замин яратишдаги ҳамкорлик масалалари муҳокама қилинди.

       Шунингдек, ташриф доирасида томонлар ўртасида ўзаро англашув меморандумлари имзоланди. Бу ҳужжатлар икки томонлама алоқаларни янги босқичга олиб чиқиш, қўшма илмий тадқиқотлар, архив ва қўлёзмаларни ўрганиш, халқаро анжуманлар ўтказиш, илмий нашрлар тайёрлаш, мутахассислар алмашинуви ва ёш тадқиқотчиларни қўллаб-қувватлаш каби йўналишларни қамраб олади.

       Томонлар мазкур ҳамкорлик орқали бой тарихий ва илмий меросни жаҳон жамоатчилигига етказиш, уни кенг тарғиб қилиш ва фан тарихи соҳасида янги ташаббусларни рўёбга чиқариш имкониятлари кенгайишини таъкидлади.