Тошкент шаҳри ҳокимига янги ўринбосарлар тайинланди

Тошкент шаҳри ҳокимига янги ўринбосарлар тайинланди

Тошкент шаҳар ҳокимлиги матбуот хизмати пойтахт маъмуриятида кадрлар ўзгариши юз бериб, шаҳар ҳокимига икки нафар янги ўринбосар тайинланганини маълум қилди.         

Даулетияр Бахтиярович Худайбергенов Тошкент шаҳар ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — Тошкент шаҳар иқтисодиёт ва молия бош бошқармаси бошлиғи лавозимига тайинланди. У мазкур лавозимда 2024 йил июнь ойидан буён ишлаб келаётган БахтиёрҲайдаровнинг ўрнини эгаллади.

Д. Худайбергенов 1990 йилда Нукус шаҳрида туғилган. У 2013 йилда Тошкент давлат юридик институтининг бакалавриат, 2015 йилда эса магистратура босқичларини тамомлаган. Шунингдек, у ўз билимларини халқаро миқёсда бойитиб, 2024 йилда Санкт-Петербург давлат иқтисодиёт университетини қайта тайёрлаш йўналиши бўйича, 2025 йилда эса Ўзбекистон Банк-молия академиясининг магистратура босқичини битирган.