Тошкент халқаро инвестиция форуми якунлари

Тошкент халқаро инвестиция форуми якунлари

      Тошкент халқаро инвестиция форуми доирасида умумий қиймати 30,5 миллиард долларлик инвестиция ва савдо битимлари имзоланди.

       Анжуманда 8 мингдан ортиқ делегат, жумладан, 97 мамлакатдан 3 мингга яқин хорижий меҳмон ташриф буюрди. Бундай кенг қамровли иштирок Ўзбекистонга бўлган ишонч ва қизиқишнинг ортиб бораётганидан далолат беради.

       Тошкент инвестиция форумида илк бор саноат кўргазмаси ўтказилди. 12 минг квадрат метр майдонни эгаллаган кўргазмада электротехника, фармацевтика, озиқ-овқат саноати, тўқимачилик, чармсаноат, қурилиш материаллари, машинасозлик, тоғ-кон саноати, металлургия, энергетика, автомобилсозлик, кимё, молиявий хизматлар, IT, туризм ва бошқа соҳаларда хорижий инвесторлар учун лойиҳа таклифларини тақдим этган 100 га яқин маҳаллий корхоналар намойиш этилди.