Табиат ҳимоячилари тақдирланди

Табиат ҳимоячилари тақдирланди

      Мамлакатимиздаги қонунчиликка кўра, экология ва атроф муҳитни муҳофаза қилиш, табиатни асраш, табиий ресурслардан оқилона фойдаланиш борасида салмоқли натижаларни қўлга киритган, шунингдек, соҳага оид илм-фан ютуқларини амалиётга жорий этиб, замонавий технологиялардан самарали фойдаланган ҳамда яшил майдонларни кенгайтириш ва кўкаламзорлаштириш ишларида алоҳида ташаббус кўрсатган фуқароларни рағбатлантириш мақсадида "Табиат ҳимоячиси" кўкрак нишони таъсис этилган.

      Бутунжаҳон атроф-муҳитни муҳофаза қилиш куни муносабати билан Экология, атроф-муҳитни муҳофаза қилиш ва иқлим ўзгариши вазирлигида вазирлик масъул ходимлари, тизим ташкилотлари ва ҳудудий бўлинмалар ходимлари, ҳамкор вазирликлар, идора ва ташкилотлар вакиллари ҳамда эко-фаолларни "Табиат ҳимоячиси" кўкрак нишони билан тақдирлаш маросими бўлиб ўтди.

     Тадбирда 200 нафарга яқин соҳа вакиллари кўкрак нишонлари билан тақдирланди.