Самарқандда “Она уйи” очилди

Самарқандда “Она уйи” очилди

     Ўзбекистон Республикаси Президенти ҳузуридаги Ижтимоий ҳимоя миллий агентлиги ҳамда Қозоғистоннинг “Ана Yйi” жамоатчилик жамғармаси ҳамкорлигида Самарқанд шаҳрида ташкил этилган “Она уйи” маркази юртимиздаги учинчи муассасага айланди.

     “Ана Yйi” жамоатчилик жамғармаси 2013 йилда ташкил этилган бўлиб, шу пайтгача Қозоғистоннинг 18 та шаҳрида 21 та “Она уйи” ресурс маркази тузилган. “Она уй”лари томонидан 7000 нафар аёлга манзилли ижтимоий ёрдам кўрсатилиб, уларнинг фарзандлари етимликдан сақлаб қолинган ва ўз оиласида тарбияланиши таъминланган.

     Жамғарма шу йилнинг апрель ойидан Ўзбекистон Республикаси Президенти ҳузуридаги Ижтимоий ҳимоя миллий агентлиги билан ҳамкорлик меморандуми тузиб, юртимизда ҳам ўз фаолиятини бошлади. Илк “Она уй”лари Тошкентда ташкил қилинди. Мазкур муассасаларда она ва болага ижтимоий ёрдам кўрсатилиши билан бирга онага касб-ҳунар ўргатилиб, ўз ҳаётини изга тушириши учун имконият яратилади.