Музей учун форс ҳукмдорларининг қиличлари тайёрланади
Музей учун форс ҳукмдорларининг қиличлари тайёрланади
Ислом цивилизацияси маркази вакиллари Теҳрондаги «Саадобод» ҳарбий музейида сақланаётган Амир Темур даврига оид иккита ноёб қиличнинг нусхаларини яратиш бўйича музокаралар олиб бормоқда.
Қиличлар мараз делегациясининг Эронга ташрифи чоғида топилган. Марказ вакилларининг сўзларига кўра, бу осори-атиқалар асрлар давомида Эрон ҳукмдорларининг энг қимматбаҳо ёдгорликларидан бири ҳисобланган. Тиғ репликаларини Иккинчи Ренессансга бағишланган зал экспозициясига киритиш режалаштирилган.
Марказ делегацияси вакиллар ишунингдек Эроннинг бошқа шаҳарларида, жумладан Машҳадда ҳам бўлди, XV асрга оид бир қатор бинолар, жумладан, мадрасалар, масжидлар ва карвонсаройларни кўздан кечирди. Шоҳрух Мирзонинг рафиқаси Гавҳаршодбегим таклифи билан бунёд этилган «Гавҳаршод» масжидига алоҳида эътибор қаратилди. Масжиднинг меъморий қиёфаси ўша даврдаги Самарқанд ва Бухоро ёдгорликлари билан ҳамоҳанг экани таъкидланган. Марказ экспозициясида масжиднинг 3D модели ёки макетини ҳам намойиш этиш режалаштирилган.
