Шу кунларда Ислом цивилизацияси маркази курилишида ободонлаштириш, кўкаламзорлаштириш ва йулаклар қурилиши ишлари олиб борилмоқда.
Бу ишларни бажаришда Марказнинг қиёфасини шакллантиришга, йўл-транспорт ва муҳандислик-коммуникация инфратузилмасини шаҳарсозлик меъёрлари ва талабларига мувофиқлаштириш борасида кенг кўламли чора-тадбирлар кўрилмоқда.
Биринчи навбатда йўлаклар, умумий фойдаланиладиган бошқа зоналарни кўкаламзорлаштириш, дов-дарахтларни парвариш қилиш бўйича тадбирлар кўрилмоқда.
Шунингдек дренаж хўжалиги, вертикал ва горизонтал қудуқлар, очиқ ва ёпиқ коллекторлар, ер ости ва ёмғир сувларини тартибга солиш ишларига эътибор қаратилмоқда.
