Янги бошоқли ўсимлик тури кашф этилди

Янги бошоқли  ўсимлик тури кашф этилди

     Ўзбекистон, Қирғизистон ва Хитойлик олимлар томонидан Elymus uzbekistanicus номли бутунлай янги ўсимлик тури аниқланди. Бу тур бошоқдошлар  оиласига мансуб бўлиб, замонавий DNK таҳлиллари ва классик морфологик тадқиқотлар орқали тасдиқланди.Фанлар академияси хабарига кўра, бу — сўнгги 57 йил ичида Ўзбекистонда аниқланган илк янги бошоқдош ўсимлик тури. Elymus uzbekistanicus номи Ўзбекистон шарафига қўйилган.

      Янги турга оид илмий мақола халқаро PhytoKeys журналида чоп этилган. Тадқиқот Ўзбекистон Миллий гербарийси фондига таяниб амалга оширилган.